PEGI - MBIEMRI I RI - ELENA FERRANTE

Përshkrimi:

“Mbiemri i ri” eshte vellimi i dyte i sages napolitane, e cila fillon me romanin jashtezakonisht te suksesshem, “Mikesha gjeniale”.

Elena rrefen historine e jetes se saj e, ne menyre te terthorte, edhe ate te Lines, me te cilen eshte njohur e shoqeruar qe ne klase te pare.

Lina Cerulo, e sapomartuar, eshte tashme nje grua ne gracke, e tradhtuar, e poshteruar, e njekohesisht e paharrueshme per lexuesit, si nje Bovari moderne.

Lagjja e varfer dhe e ndotur ku ajo dhe Elena jane rritur behet nje prani gjithnje e me e dhunshme, nje personazh ne nje sage qe dritheron me personazhet plot jete e vertetesi.

Libri i dyte fillon me martesen e Lines ne moshen 16-vjecare.

Ne disa skena te hershme e tronditese, mesojme se si Lina shnderrohet ne Zonjen Karraci, permes dhunes e mashtrimit.

Fillimisht, Elena mendon se “statusi i bashkeshortes e kishte mbyllur ne njelloj ene te qelqte”.

Me pas, kur burgimi i saj behet i qarte, ajo veren se si grate e lagjes “hiqeshin zvarre eshke te thata, sy e faqe zgavruara, ose me vithet e gjera, nockat e kembeve te buhavitura, gjokset e renda, torbat e pazarit, vocerraket qe u vareshin pas fundeve dhe qe u kerkonin t’i merrnin hopa.”

Ajo pyet veten se “Kur zinte fill valle ai shnderrim? Me punet e shtepise? Me barren? Me dajakun?”

“Mbiemri i ri” i referohet shnderrimit te Lines ne zonjen Karraci, por jo vetem.

Sic ndodh rendom me Ferranten, titulli i referohet edhe Elenes dhe zgjedhjeve te jetes se saj, fort te ndryshuar, larg qytetit te lindjes.

Kompromiseve qe do te beje per te ruajtur nje status te ri, aq fort te kerkuar e te enderruar, sakrificave shpirterore qe do t'i kerkohen si flijim i ruajtjes se sekreteve e njekohesisht edhe pamjaftueshmerise se brendshme qe do ta shtyje gjithmone drejt Lines, ne nje ekuiliber rreqetheses rolesh e modelesh, nga te cilat duket se asnje nga personazhet nuk mund te clirohet.

Saga napolitane eshte botuar ne 40 vende te botes dhe deri me sot, ka shitur rreth tre milione kopje.

Specifikat e Librit:

• Numri ISBN: 978-9928-228-94-9
• Nr. i Fletëve: 490
• Autori: Elena Ferrante
• Shtëpia Botuese: Pegi
• Viti i Publikimit: 2017

Elena rrëfen historinë e jetës së saj e, në mënyrë të tërthortë, edhe atë të Linës!