Servisi

POLITIKAT E PRIVATESISE

Në SHOP MANIA, ne i japim përparësi të veçantë mbrojtjes së informacionit tuaj personal.
Duke pranuar plotësisht faktin se informacioni juaj personal ju përket juve, ne bëjmë të pamundurën për të ruajtur në mënyrë të sigurt dhe përpunuar në mënyrë të kujdesshme informacionin që ju ndani me ne.
Ne e vlerësojmë maksimalisht besimin që na jepni. Kështu, ne mbledhim një minimum informaconi vetëm me lejen tuaj dhe e përdorim atë vetëm për qëllimet e caktuara.
Ne nuk ua përhapim informacionin palëve të treta pa dijeninë tuaj.
Në SHOP MANIA, ne japim përkushtimin maksimal për të siguruar mbrojten e të dhënave tuaja duke përfshirë sigurimin e të dhënave teknike dhe proçedurat e brendshme të menaxhimit si dhe masat mbrojtëse të të dhënave fizike.
Ne përpiqemi të përmirësojmë jetën tuaj duke ju ofruar përvoja digjitale frymëzuese dhe tërheqëse.
Për ta mundësuar këtë, besimi që na jepni është thelbësor dhe kështu ne do të bëjmë më të mirën tonë për të mbrojtur informacionin tuaj personal.
Ju falënderojmë për interesin dhe mbështetjen tuaj të vazhdueshme.

POLITIKA GLOBALE E PRIVATËSISË SHOP MANIA - PIKAT KRYESORE

Fusha e veprimit
Kjo Politikë e Privatësisë zbatohet ndaj çdo pajisjeje, website-i ose aplikacioni online, që i referohet Politikës ose lidhet me të (së bashku referuar si “Shërbimet” tona).
Kjo Politikë e Privatësisë zbatohet pavarësisht nëse ju përdorni një kompjuter, telefon celular, tabletë ose TV për të aksesuar Shërbimet tona.
Informacioni që mbledhim
Ne mbledhim lloje të ndryshme informacioni, në lidhje me Shërbimet, përfshirë këtu:
• Informacionin që ju na jepni drejtpërdrejtë;
• Informacionin që ne mbledhim rreth përdorimit të Shërbimeve tona nga ana juaj; dhe
• Informacionin që ne marrim nga burime të palëve të treta.
Ne mund të kërkojmë pëlqimin tuaj për të mbledhur informacion që nuk përshkruhet në Politikën e Privatësisë.
Përdorimi dhe Ndarja e Informacionit
Informacionin që ne mbledhim, e përdorim, mes të tjerash, për qëllimet e mëposhtme:
• Për të ofruar Shërbimet që ju kërkoni;
• Për të kuptuar se si ju i përdorni Shërbimet, në mënyrë që të mund të përmirësojmë përvojën tuaj;
• Për t’ju ofruar materiale dhe reklama të personalizuara; dhe
• Për qëllime të tjera, me pëlqimin tuaj.
Ne mund ta ndajmë Informacionin tuaj me:
• Partnerët e biznesit – shoqëri të besuara, që mund t’ju ofrojnë informacion për produkte dhe shërbime që mund t’ju pëlqejnë.
• Ofruesit e shërbimeve – shoqëri që ofrojnë shërbime për SHOP MANINE ose në emër të saj.
• Autoritetet e zbatimit të ligjit – kur na kërkohet të veprojmë kështu ose për të mbrojtur SHOP MANINE dhe përdoruesit e saj.

POLITIKA GLOBALE E PRIVATËSISË SHOP MANIA

SHOP MANIA e di sa e rëndësishme është privatësia për klientët tanë dhe përpiqemi të sigurojmë një transparencë të plotë lidhur me mënyrën si e mbledhim, përdorim, komunikojmë, transferojmë dhe ruajmë informacionin tuaj.
Kjo Politikë e Privatësisë shpjegon praktikat tona të informacionit.
Kjo Politikë e Privatësisë zbatohet ndaj pajisjeve, website-ve ose aplikacioneve online SHOP MANIA, që i referohen Politikës së Privatësisë ose lidhen me të (së bashku referuar si “Shërbimet” tona).
Kjo përfshin mbështetjen për klientin në lidhje me pajisje, website-e ose aplikacione të tilla online.
Edhe pse kjo Politikë e Privatësisë zbatohet ndaj të gjitha Shërbimeve tona, ne ofrojmë gjithashtu disa shtesa të veçanta të privatësisë, që përmbajnë informacion të mëtejshëm për praktikat tona, në lidhje me Shërbime të veçanta.
Këto shtesa zbatohen ndaj përdorimit nga ana juaj e Shërbimeve që ato mbulojnë.
Ju lutemi të keni parasysh gjithashtu se Politikat e Privatësisë zbatohen pavarësisht nëse ju përdorni një kompjuter, telefon celular, tabletë, TV ose pajisje tjetër për të aksesuar Shërbimet tona.
Ka rëndësi që ju ti lexoni me kujdes Politikat e Privatësisë, sepse sa herë që të përdorni Shërbimet tona, ju jepni pëlqimin për praktikat që ne përshkruajmë në Politikat e Privatësisë dhe në shtesat e saj.
Eshtë gjithashtu e rëndësishme që të kontrolloni herë pas here nëse ka përditësime të Politikave të Privatësisë.
Në qoftë se ne i përditësojmë Politikat e Privatësisë, do t’ju njoftojmë për ato ndryshime që i konsiderojmë si materiale, duke vendosur një njoftim në Shërbimet përkatëse.
Duke aksesuar ose duke përdorur Shërbimet tona pasi ne të kemi vendosur një njoftim të tillë, ju jepni pëlqimin për praktikën ose praktikat e reja që identifikohen në këtë përditësim.
Ju mund të kontrolloni “datën e hyrjes në fuqi” të vendosur në krye, për të parë se kur është përditësuar për here të fundit Politika e Privatësisë.
Çfarë informacioni mbledhim rreth jush?
Informacioni që ju jepni drejtpërdrejtë
Disa Shërbime ju aftësojnë që të jepni informacion drejtpërdrejtë. Për shembull:
Një numër i Shërbimeve tona u mundëson përdoruesve që të krijojnë llogari ose profile.
Në lidhje me këto Shërbime, ne mund t’ju kërkojmë të jepni disa të dhëna për veten, për të konfiguruar llogarinë ose profilin. Për shembull, mund të jepni disa të dhëna për veten, të tilla si emrin, numrin e telefonit dhe adresën e email-it, kur të krijoni një llogari.
Në qoftë se ju porositni një produkt ose shërbim të paguar prej nesh, ne do t’ju kërkojmë emrin tuaj, të dhënat e kontaktit, adresën ose adresat e dërgimit dhe të faturimit dhe informacione në lidhje me kartën tuaj të kreditit, në mënyrë që të trajtojmë porosinë tuaj.
Disa prej Shërbimeve tona ju mundësojnë që të komunikoni me njerëz të tjerë. Këto komunikime do të transmetohen përmes sistemeve tona.
Informacion rreth përdorimit të Shërbimeve nga ana juaj

Përveç informacionit që ju jepni, ne do të mbledhim informacion rreth përdorimit të Shërbimeve nga ana juaj përmes software-it në pajisjen tuaj dhe mënyrave të tjera.
Për shembull, ne mund të mbledhim:
• Informacion për pajisjen,
të tillë si modelin e hardware-it, numrin IMEI dhe identifikues të tjerë unikë të pajisjes, adresën MAC, adresën IP, versionet e sistemit operativ dhe cilësimet e pajisjes që ju përdorni për të marrë akses në Shërbime.
• Informacioni i logimit,
i tillë si ora dhe kohëzgjatja e përdorimit të Shërbimit nga ana juaj, termat e kërkimit që përdorni nëpërmjet Shërbimeve dhe çdo informacion i ruajtur në cookies që ne kemi vendosur në pajisje.
• Informacion për vendndodhjen,
i tillë si sinjali GPS i pajisjes suaj ose informacioni për pikëhyrjet Wi-Fi dhe kullat e telefonisë celulare në afërsi, që mund të na dërgohen kur ju përdorni Shërbime të caktuara.
• Informacion zanor,
të tillë si regjistrimet e zërit tuaj që ne bëjmë (dhe mund të magazinojmë në server-ët tanë) kur ju përdorni komanda zanore për të komunikuar një Blerje/Sherbim.
(Kini parasysh se ne punojmë me një ofrues shërbimi palë të tretë që ofron shërbime konvertimi fjalë-në-tekst për llogarinë tonë.
Ky ofrues mund të marrë dhe të magazinojë komanda zanore të caktuara.)
• Informacion tjetër
për përdorimin e Shërbimeve nga ana juaj, të tillë si app-et që ju përdorni, website-t që vizitoni dhe mënyrën si ndërveproni me materialet e ofruara përmes një Shërbimi.
• Informacion nga burime të palëve të treta.
Ne mund të marrim informacion rreth jush nga burime publike dhe tregtare (në masën që lejohet nga ligjet në fuqi), të cilin mund ta kombinojmë me informacion tjetër që marrim prej jush ose rreth jush.
Ne gjithashtu mund të marrim informacion rreth jush nga shërbime të rrjeteve sociale palë të treta, kur ju vendosni të lidheni me ato shërbime.
• Informacion tjetër që mbledhim.
Ne gjithashtu mund të mbledhim informacion tjetër rreth jush, pajisjes suaj, ose përdorimit të shërbimeve nga ana juaj, në mënyra të tilla që do t‘jua përshkruajmë në momentin e mbledhjes ose në mënyra të tjera me pëlqimin tuaj.
Ju mund të zgjidhni të mos na jepni disa lloje informacioni (si për shembull informacionin që ne kërkojmë gjatë regjistrimit të llogarisë), por refuzimi juaj mund të ndikojë në mundësinë tuaj për te përdorur disa shërbime.
Si e përdorim informacionin tuaj?
Informacionin që mbledhim, do ta përdorim për qëllimet e mëposhtme:
• për t’ju regjistruar ju ose pajisjen tuaj në një Shërbim;
• për t’ju ofruar një Shërbim ose funksionalitet që ju kërkoni;
• për t’ju ofruar materiale të personalizuara dhe shërbime të personalizuara në bazë të veprimtarisë suaj të mëparshme në Shërbimet tona;
• për reklama, për shembull, për të ofruar reklama të personalizuara, materiale të sponsorizuara dhe për të dërguar komunikime promocionale;
• për vlerësime dhe analiza të tregut tonë, klientëve, produkteve dhe shërbimeve (përfshi këtu edhe rastet kur ju kërkojmë opinione për produktet dhe shërbimet tona dhe kur kryejmë anketa me klientët);
• për të kuptuar si i përdorin njerëzit Shërbimet tona, në mënyrë që të mund t‘i përmirësojmë ato dhe të zhvillojmë produkte dhe shërbime të reja;
• për të ofruar shërbime të mirëmbajtjes së pajisjes suaj;
• për të zhvilluar lotari falas me çmime, konkurse me çmime ose promovime, në përputhje me ligjet ne fuqi; dhe në mënyra të tjera, me pëlqimin tuaj.
Me kë e ndajmë informacionin tënd?
Informacionin tënd do ta komunikojmë brenda biznesit tonë, por vetëm me ata që kanë nevojë për të, për të ofruar Shërbimet ose për të ndihmuar me kërkesat e tua.
Ne gjithashtu do t’ua komunikojmë informacionin tënd enteve përkatëse, por vetëm në atë masë që kjo do të jetë e nevojshme për ne, për të ofruar Shërbimet:
Partnerët e biznesit:
Partnerë me të cilët ne punojmë së bashku, për të ofruar Shërbimet që ti ke kërkuar ose blerë.
Për shembull, ne mund të punojmë me një bankë, që ti të përdorësh një prej Shërbimeve tona për të bërë pagesa më të shpejta dhe më eficiente.
Këta partnerë biznesi kontrollojnë dhe menaxhojnë informacionin tënd personal.
Ofruesit e shërbimeve:
Shoqëri të përzgjedhura me kujdes, të cilat ofrojnë shërbime për ne ose në emrin tonë, të tilla si shoqëritë që na ndihmojnë me riparimet, qendrat e kontaktit të klientit, aktivitetet e kujdesit për klientët, reklamat (përfshi reklamat e personalizuara në website-et tona, website-et e palëve të treta ose platformat në linjë), kryerjen e anketave të kënaqësisë së klientit ose faturimin ose që dërgojnë postë në emrin tonë. Edhe këta ofrues janë zotuar për ta mbrojtur informacionin tënd.
Palë të tjera kur këtë e kërkon ligji ose kur kjo është e nevojshme për të mbrojtur Shërbimet tona:
Për shembull, mund të jetë e nevojshme, me ligj, proces ligjor ose vendim nga gjykata në emër të autoriteteve qeveritare për ta komunikuar informacionin tënd.
Këto mund edhe ta kërkojnë informacionin tënd prej nesh për synime të zbatimit të ligjit, sigurisë kombëtare, anti-terrorizmit ose çështje të tjera të ndërlidhura me sigurinë publike.
Palë të tjera në lidhje me transaksionet korporative:
Informacionin për ty mund t’ia komunikojmë një pale të tretë si pjesë të një shkrirjeje ose transferimi, blerjeje ose shitjeje, ose në rast falimentimi. Palë të treta me pëlqimin tënd ose me udhëzimet e tua:
Përveç komunikimeve të përshkruara në këtë Politikë të Privatësisë, informacionin për ty mund ta ndajmë me palë të treta kur ti jep pëlqimin për një ndarje të tillë ose e kërkon vetë.
Si e mbajmë të sigurt informacionin tënd?
Ne e marrim seriozisht mbrojtjen e të dhënave. Ne kemi marrë masa teknike dhe fizike të arsyeshme, për ta mbajtur të sigurt informacionin që mbledhim.
Megjithatë, lutemi të kini parasysh se, megjithëse ne marrim masa të arsyeshme për të mbrojtur informacionin tënd, asnjë website, transmetim në Internet, sistem kompjuterik, ose lidhje pa tel nuk është krejtësisht i sigurt.
Ku i dërgojmë të dhënat e tua?
Përdorimi prej teje i Shërbimeve tona do të përfshijë transferimin, magazinimin dhe përpunimin e informacionit tënd personal brenda dhe jashtë vendit ku ti jeton, në pajtim me këtë politikë.
Lutemi kini parasysh se mbrojtja e të dhënave dhe ligjet e tjera në vendet ku mund të transferohet informacioni yt mund të mos jenë aq gjithëpërfshirëse sa ato në vendin ku jeton.
Cilat janë të drejtat e tua?
Informacioni yt personal të përket ty.
Mund të na kërkosh të japim hollësi në lidhje me çfarë kemi mbledhur, sikurse të na kërkosh ta heqim ose të korrigjojmë ndonjë pasaktësi.
Mund edhe të na kërkosh ta bllokojmë ose ta kufizojmë përpunimin, ndarjen ose transferimin e informacionit tënd personal, si dhe që të ta japim informacionin personal për ty që kemi mbledhur, që ti ta përdorësh për synimet e tua.
Megjithatë, kërkesa jote për të hequr informacionin tënd personal mund të çojë në humbjen e aksesit në Shërbimet që ne ofrojmë. Nuk do të heqim të dhëna që jemi të detyruar me ligj për t’i mbajtur.

Për të bërë një kërkesë në lidhje me të drejtat e tua ose për t’u informuar më tej, na kontakto. Shih seksionin KONTAKT.
Cookie-t
Cookie-t janë skedarë të vegjël që ruajnë informacion në kompjuterin tuaj, TV-në, telefonin celular ose pajisje të tjera.
Ato i mundësojnë shoqërisë që vendos cookie-t në pajisjen tuaj, t'ju njohë përmes faqeve të internetit, shërbimeve, pajisjeve dhe / ose sesioneve të shfletimit. Cookie-t shërbejnë për shumë qëllime të dobishme.
Sa gjatë do ta mbajmë informacionin tënd?
Informacionin tënd personal nuk do ta mbajmë për më gjatë se ç’është e nevojshme për synimin për të cilin e kemi mbledhur.
Kjo do të thotë se informacioni do të shkatërrohet ose do të fshihet nga sistemet tona, kur të mos nevojitet më.
Ne ndërmarrim masat e duhura për të siguruar që po e përpunojmë dhe mbajmë informacionin rreth teje në bazë të logjikës së mëposhtme:
1. Së paku për aq kohë sa informacioni përdoret për të të ofruar ty një shërbim
2. Siç e kërkon ligji, një kontratë ose detyrimet tona statutore
3. Vetëm për aq kohë sa kjo është e nevojshme për synimet për të cilat informacioni u mblodh, po përpunohet ose edhe më gjatë, nëse kjo kërkohet nga ndonjë kontratë, nga ligji i zbatueshëm ose për synime statistikore, të cilat u nënshtrohen garancive të duhura.
Çfarë shërbime palësh të treta ofrojmë?
Disa nga materialet, reklamat dhe funksionalitetet në Shërbimet tona ofrohen nga palë të treta.
Këto palë të treta mund të përdorin cookies, beacons, pikselë gjurmues dhe instrumentë të tjerë për të mbledhur informacion në lidhje me përdorimin prej teje të Shërbimeve.
Këto palë të treta nuk kontrollohen drejtpërdrejt nga SHOP MANIA, prandaj ne rekomandojmë që ti të njihesh me politikat e tyre të privatësisë, për të kuptuar si i përdorin ato të dhënat e tua.
Për disa app-e dhe shërbime, përfshi rrjetet sociale, ne marrim dhe magazinojmë informacion të hyrjes me sign-in si dhe informacion tjetër që ti na lejon të marrim, kur ti lidhesh me këto app-e dhe shërbime.

Na kontakto
Mund të na kontaktosh për të përditësuar preferencat e tua, korrigjuar informacionin tënd, paraqitur një kërkesë ose për të na drejtuar pyetje.

Mund edhe të na kontaktosh te:
[email protected]
+355 69 6000 777
Rrjetet Tona Sociale:
Facebook: SHOP MANIA
Instagram: shopmania_albania
Zyrat tona:
Rr. Dritan Hoxha, Tirane

TERMAT & KUSHTET

Të dhëna:
Kjo marrëveshje zhvillohet ndërmjet jush, përdoruesit të Faqes së Uebit dhe SHOP MANISË, pronarëve të Faqes së Uebit.
Ju duhet të pranoni t’iu bindeni termave dhe kushteve herën e parë që përdorni Faqen e Uebit.
Nëse nuk dëshironi t’iu bindeni termave dhe kushteve, atëherë nuk duhet të përdorni më tej faqen.
Përkufizime dhe interpretime:
Në këtë Marrëveshje termat e mëposhtëm do të kenë këto kuptime:
“Përmbajtja” nënkupton çdo tekst, grafik, imazh, audio, video, software, të dhëna dhe çdo formë tjetër informacioni që mund të përmbahet në kompjuter, që shfaqet në Faqen e Uebit ose është pjesë e Faqes së Uebit;
“SHOP MANIA” nënkupton subjektin SHOP MANIA, me adrese Rr. Dritan Hoxha, pallati Nord Konstruksion, Tiranë;
“Shërbime” nënkupton çdo paisje, mjet, shërbime apo inforamcion që SHOP MANIA siguron nëpërmjet Faqes së Uebit, qoftë tani apo në të ardhmen;
“Sistemi” nënkupton çdo infrastrukturë të komunikimit online që SHOP MANIA siguron nëpërmjet Faqes së Uebit, qoftë tani apo në të ardhmen. Kjo përfshin, por nuk limitohet me, adresat e e-mail, tabelat e mesazheve, chat-i online dhe adresat postale;
“Përdoruesi” / “Përdoruesit” nënkupton cdo palë të tretë që përdor Faqen e Uebit dhe nuk është një punonjës i SHOP MANIA, që e përdor Faqen gjatë punës;
“Faqe Uebi” nënkupton faqen që po përdorni në këtë moment (www.shopmania.al) dhe të gjitha nën-faqet e tjera që përfshihen, përvec rastit kur Termat dhe Kushtet e këtyre nën-faqeve nuk e lejojnë përdorimin e tyre.
Pronësia Intelektuale
E gjithë përmbajtja në Faqen e Uebit, përvecse kur shtohet nga përdoruesit, duke përfshirë, por jo e limituar tek, teksti, grafikët, logot, ikonat, imazhet, audiot, videot, të dhënat, paraqitja e faqes, kodet dhe programet, janë pronë e SHOP MANIA. Nëse përdorni këtë Faqe Uebi, jeni duke pranuar që këto materiale mbrohen nga ligjet kombetare dhe nderkombetare mbi pronën intelektuale.
Ju nuk mundeni të riprodhoni, kopjoni, shpërndani, ruani apo të ri-përdorni në asnjë mënyrë materialet në këtë faqe, përveçse kur faqja përfshin një klauzolë që jua lejon një gjë të tillë.
Links të Faqeve të tjera të Uebit
Kjo Faqe Uebi mund të përmbajë links të faqeve të tjera. Këto faqe nuk janë nën kontrollin e SHOP MANIA, përveçse kur një gjë e tillë është deklaruar në faqe.
Ne nuk mbajmë përgjegjësi për përmbajtjen e këtyre faqeve dhe mohojmë cdo detyrim për të gjitha format e humbjes apo dëmtimeve që mund të ndodhin për shkak të përdorimit të tyre.
Përfshirja e link-ut në faqen tonë nuk nënkupton miratim nga ana e faqes apo pronarit të saj.
Privatësia
Përdorimi i Faqes së Uebit po ashtu ndikohet nga Politikat e Privatësisë.
Për të lexuar Politikat e Privatësisë, ju lutem klikoni link-un.
Disponueshmëria e Faqes së Uebit.
SHOP MANIA nuk mban përgjegjësi për cfarëdo ndërprerje të shërbimit apo për rastet kur Faqja e Uebit është e padisponueshme për shkaqe të jashtme, duke përfshirë, por jo duke limituar, dështimin e paisjeve ISP, dështimin e paisjeve mikëpritëse, dështimin e sistemeve të komunikimit, ndërprerjen e energjisë, shkaqeve natyrore, luftës apo kufizimeve ligjore dhe censurës.
Njoftimet
Të gjitha njoftimet/komunikimet duhet të na jepen ose nëpërmjet postës fizike ose nëpërmjet e-mail tek [email protected].
Këto njoftime duhet të konsiderohen të marra 3 ditë pas nisjes me postë, nëse dërgohet me postë të shpejtë, dhe ditën e dërgimit të e-mail nëse ky e-mail është dërguar gjatë një dite pune.
Nëse e-maili dërgohet gjatë fundjavës apo pushimeve, duhet të konsiderohet i marrë ditën e rifillimit të punës.
Ligji dhe Juridiskioni
Këto terma dhe kushte dhe marrdhënia midis jush dhe SHOP MANIA do të vendosen dhe interpretohen në bazë të Legjislacionit Shqipëtar dhe SHOP MANIA dhe ju pranoni t’i bindeni ekskluzivisht juridiksionit të Gjykatave të Shqipërisë.

DESTINACIONET & TARIFAT POSTARE

SHOP MANIA ofron transport të produkteve në të gjithë Shqipërinë!
• Transport në Tiranë: 200 Lekë
• Transport në Rrethe: 300 Lekë

MËNYRAT E PAGESËS

Pagesa mund të bëhet në mënyrat e mëposhtme:
• Kartë Krediti / Debiti
• Cash në Dorëzim
• Transferta Bankare
• Financime
• Mundësi Pagese me Këste
• PayPal

FINANCIMET

Nëse buxheti juaj nuk mjafton apo thjesht nuk dëshironi të prekni kursimet tuaja, SHOP MANIA ju ofron mundësinë e BLERJES ME KËSTE.
Zbuloni se cili është opsioni më i leverdisshëm për ju nga skemat e financimit që ju ofrojmë në bashkëpunim me "Iute Credit".
Iute Credit ju mundëson financimin për blerjet tuaja në SHOP MANIA.
Proçes i thjeshtë dhe i shpejtë vetëm duke paraqitur kartën tuaj ID.
Për më tepër informacion ju lutem të vizitoni www.iutecredit.al

PAYPAL

Me PayPal ju mund të paguani vlerën e produkteve tuaja në internet, në pak momente, plotësisht falas dhe pa ndonjë kosto shtesë.
Si funksionon PayPal?
Thjesht duhet të shoqëroni kartën tuaj të kreditit ose debitit me llogarinë tuaj PayPal.
Nëse nuk keni një kartë, nuk ka problem: mund të plotësoni llogarinë tuaj PayPal me një transfertë të thjeshtë bankare.
Me PayPal blini në të gjitha dyqanet kombëtare dhe ndërkombëtare dhe kur paguani, nuk keni pse të vendosni të dhënat e kartës suaj çdo herë
sepse ato tërhiqen automatikisht dhe, mbi të gjitha, mbrohen.
Për të mësuar më shumë rreth "sigurisë", në lidhje me blerjet në internet, ju ftojmë të lexoni, udhëzuesin e hartuar nga Policia Postare në bashkëpunim me PayPal.
Këtu do të gjeni këshilla të dobishme dhe shumë informacione të vlefshme për të blerë në internet të sigurtë.
Regjistrohuni në PayPal.