DUDAJ - KUFIRI - ALESSANDRO LEOGRANDE

Përshkrimi:

Ajo fjale shenjon nje vije prej kilometrash te gjate dhe vite te trashe.

Eshte nje vrage qe pershkon materien dhe kohen, netet dhe ditet, brezat, ashtu si edhe vete zerat qe tregojne per te, qe ndjekin njeri-tjetrin, mbivendosen, kundershtohen, ngjishen, zgjerohen.

Eshte kufiri.

Eshte nje vije imagjinare e, megjithate, eshte reale sa me s’ka… eshte nje plage e pambyllur, nje vend i te gjitheve dhe i askujt, ne te cilin, ne menyre te padukshme, kushdo eshte pjese: eshte kufiri qe ndan e bashkon njeheresh veriun e botes: demokratik, liberal dhe te civilizuar, me jugun: te varfer, te kafshuar nga lufta, te prapambetur dhe antidemokratik.

Pikerisht ne zgrip te ketij kufiri luhet loja e madhe e botes bashkekohore.

Ky prag eshte i parrokshem, i papervijueshem, jomaterial: shkrimi i qaset kuturimthi, permes orvatjeve, duke levizur ne truall te paeksploruar, atje ku ndodhin migrimet dhe debimet, atje ku luftohet per te jetuar a per te vdekur.

Leograndeja na con ne bordin e anijeve te operacionit Mare Nostrum dhe peshkon fjalet nga thellesite detare, ku kane ngecur dhe rrine fshehur.

Na con te njohim trafikantet dhe bebi-skafistet, bashke me historite e te mbijetuarve nga mbytjet e anijeve ne Mesdhe, ne detin e hapur prane Lampeduzes; rinderton historine e eritreasve, popull nder ata qe diktatura mizore i ka shtyre drejt emigracionit, rrjedhoje edhe e kolonializmit italian; na tregon kufirin tjeter, ate grek, ate te Agimit te Arte dhe te Patres, por edhe kufij te tjere Ballkanit; na fut ne nje Libi qe ka shperthyer dhe eshte rrenuar, na fut ne Qendrat te Identifikimit dhe Debimit, ne Itali duke na njohur me shkeljet e te drejtave qe ndodhin aty, ne dhunen e periferise romane dhe ne ate qe gjendet e fshehur ne shpirtrat tane: keshtu i jepet ze vrimes se zeze se pashtershme, ku cdo dite shemben te drejtat komunitare dhe ndergjegjet tona.

Sa vuajtje!

Sa kaos!

Sa indiference!

Diku ne te ardhmen, pasardhesit tane do te pyesin veten se si valle e lame te ndodhte e gjitha kjo.

Histori për tu mësuar nga të gjithë!